Mientras dure la guerra
Cartel do filme Mientras dure la guerra (Alejandro Amenábar, 2019)
Fai pouco saíu na prensa
unha noticia na que un grupo de persoas de extrema dereita do partido
España2000 boicoteaban un pase da película Mientras dure la guerra de
Amenábar. Cando comezou a proxección, os radicais irrumpiron na sala e comezaron
a proferir gritos como “Viva Cristo Rei!”, “Viva España!” e “Arriba España”, á
vez que despregaban unha pancarta na que se podía ler: “Únete á resistencia,
España2000”. Non é a primeira vez que se producen actos de este tipo.
Entre os últimos anos da
época do franquismo e finais da década de 1980 foron máis ou menos frecuentes
os ataques a cines que exhibían filmes considerados “inaceptables” por certos
sectores da poboación. Algúns destes ataques foron, por exemplo, o do cine
madrileño Luchana que estrenaba o filme La camada negra, de Manuel Gutiérrez Aragón. A
este cine puxéronlle unha bomba, despois lanzáronlle un coctel molotov contra a
fachada e finalmente os agresores boicoteárono plantándose fronte a entrada
cantando Cara el sol. Todo
isto porque a película trataba sobre o terrorismo de ultradereita posterior á
morte de Franco. Outra película amenazada pola ultradereita española foi
7 días de enero, de Juan
Antonio Bardem, que relata a matanza de Atocha (agresión a un bufete de
avogados laboralistas que deixou cinco mortos). O grupo Guerrilleros de
Cristo Rey tratou de impedir o seu estreno pero só conseguiron darlle máis
bombo mediático.
Sabela 2º Bach C
Comentarios
Publicar un comentario