10 de marzo: Sucesos de Ferrol
Ao tempo que se liberalizaba e melloraba a situación económica, os anos sesenta estiveron caracterizados pola intensificación da oposición, que demandaba a restauración do sistema democrático. As principais forzas opositoras estiveron na Universidade e, sobre todo, no Movemento Obreiro. A partir dos anos sesenta as accións de protesta multiplicáronse: folgas para conseguir melloras salariais e redución de xornada laboral, en solidariedade con compañeiros detidos ou sancionados...Neste contexto naceron en 1962, na clandestinidade, unhas comisións obreiras que lograron importantes éxitos electorais dentro das organización sindical oficial; foron o xermolo do sindicato de Comisións Obreiras (CC OO). Un fito importante de protesta obreira (que combina reivindicacións proletarias con esixencias de democratización) tivo lugar en Ferrol o 10 de marzo de 1972. O ano 1972 foi un momento da historia de Galicia, no que os traballadores, as traballadoras e a...